«Аватар. От пен күл» фильмі қазақ тілінде көрсетіледі
17 желтоқсанда Алматы қаласында жылдың ең ауқымды кинематографиялық оқиғасы – «Аватар: От пен күл» фильмінің тұсаукесер көрсетілімі өтті. Режиссер Джеймс Кемеронның аңызға айналған франшизасының жалғасы – «АВАТАР. ОТ ПЕН КҮЛ» фильмі кинотеатрларда 18 желтоқсаннан бастап қазақ және орыс тілдерінде көрсетіледі.
Премьера қонақтарының қатарында танымал актерлер Артур Асқарұлы, Санжар Мәди, белгілі актрисалар Әсел Қалиева, Нұрай Жеткерген, режиссер және продюсер Қуаныш Бейсек, продюсер әрі интервьюер Тимур Балымбетов, музыкант dudeontheguitar, әнші Ayau, стендап-комик Шыңғыс Ермек, сондай-ақ танымал блогерлер Азиза Айбадуллина, Біржан Әшім және басқа да өнер өкілдері болды. Сонымен қатар премьераға «Аватар: От пен күл» фильмінің дубляж режиссері Шах-Мұрат Ордабаев та қатысты.
«Біз үшін Қазақстандық көрермендердің «Аватар: От пен күл» фильмін өз ана тілінде тамашалай алуы – ерекше маңызды. Бұл премьера – жылдың ең маңызды оқиғаларының бірі. Ал біз үшін, дистрибьютор ретінде жылды ауқымды әрі бірлікке шақыратын шарамен қорытындылауға берілген мүмкіндік. Бұл фильм отбасын бір шаңырақ астына жинап, ұрпақтар сабақтастығын нығайтады, отбасылық құндылықтардың маңызын еске салады. Әлемдік премьераны өз ана тілінде көру көрермен үшін шынымен де маңызды. Бұған Disney студиясының «Аңдар шаһары 2» анимациялық фильмінің қазақша дубляжының көрсеткіші дәлел бола алады. Фильм Қазақстандағы жалпы кассалық табыстың 15,7%-ын құрады. Бұл бұған дейінгі голливудтық фильмдердің қазақша нұсқаларынан жоғары нәтиже көрсетті. Қазақстандық көрермендердің визуалдық мүмкіндіктері, ауқымы мен еліктірер оқиғасы тәнті ететін осы бірегей тарихтың бір бөлігіне айналып жатқанын көру – біз үшін үлкен қуаныш» дейді Ascar Cinema компаниясының маркетинг директоры Динара Чеканова.
«Енді әлемдік киноиндустрияның ең ауқымды жобаларының бірі – «Аватар» фильмінің үшінші бөлімін қазақ тілінде көреміз. Бұл – жай ғана аударма емес, қазақ тілінің жаһандық мәдени кеңістікте өз орны қалыптасып келе жатқанының белгісі. «Аватар» – тұтас өркениет пен философияны қамтитын әлем. Сол әлемнің қазақша сөйлеуі – тіліміздің мүмкіндігі мен әлеуетін арттырып, оны заманауи мәдениеттің толыққанды тіліне айналдырады деп сенеміз», – дейді Халықаралық «Қазақ тілі» қоғамының президенті Рауан Кенжеханұлы.
Қазақ тіліндегі ресми трейлер: Аватар трейлерін көру
Фильм постері: https://drive.google.com/drive/folders/1pCIP-Z85W23PA7CQ3crEj_riqQtWIa-b
Премьерада түсірілген фотосуреттерді төмендегі сілтемелер арқылы жүктеуге болады:
https://ziganshinphoto.com/disk/17-12-2025-avatar-1j173p
(фотограф: Руслан Зиганшин)
https://victormagdeyev.me/disk/17-12-2025-avatar-3-plamya-i-pepel-kckqp4
(фотограф: Виктор Магдеев)
Премьераның ақпараттық серіктестері:
- НТК – Қазақстандағы жетекші телеарналардың бірі, заманауи әрі әлеуметтік маңызы бар медиа кеңістікті қалыптастырады.
- «Қазақ тілі» – Қазақстанда мемлекеттік тілдің мәртебесін арттырумен айналысатын ең ірі қоғамдық ұйым.
- Kino.kz – киноафиша мен билет сатуды біріктіретін Қазақстандағы жетекші онлайн-платформа.
Фильм туралы
«Аватар: От пен күл» – Пандора әлеміндегі оқиғаларды жаңа қырынан ашатын, эмоцияға, философиялық ойға толы туынды. Фильмде көрермен Пандораға қайта оралып, бұрынғы теңіз жаяу әскері, бүгінде на’вилердің көшбасшысына айналған Джейк Салли (Сэм Уортингтон), жауынгер әйел Нейтири (Зои Салдана) және Салли әулетінің жаңа сынақтар мен күрделі таңдау алдындағы тағдырына куә болады. Көркем визуал, заманауи технологиялар мен ауқымды оқиға желісі «Аватар» әлемін одан әрі кеңенен аша түседі.
Фильм сценариін Джеймс Кэмерон, Рик Джаффа және Аманда Сильвер жазған. Сюжетті Джеймс Кэмерон, Рик Джаффа, Аманда Сильвер, Джош Фридман және Шейн Салерно әзірлеген. Фильмде Сигурни Уивер, Стивен Лэнг, Уна Чаплин, Клифф Кёртис, Бритейн Далтон, Тринити Блисс, Джек Чемпион, Бэйли Басс және Кейт Уинслет ойнайды.
